அந்த நாலு எழுத்து வார்த்தை

பலத் தடவ யோசிச்சி பார்த்துட்டேன் இந்த வார்த்தையை படங்கள்ல/நடைமுறைகள்ல எப்படி?/எதற்காக? பயன்படுதுராங்கனு. ஆனா என்னால கண்டு பிடிக்க முடியல, அதாங்க "f"ல ஆரம்பிச்சி "K"ல முடியுமே அந்த வார்த்தை தான். எனக்கு இந்த வார்த்தைய கேட்டாலே பிடிக்காது. HBO, Star Movies சேனல்ல இந்த வார்த்தை வந்தாலே ****னு subtitleல போட்டுடுவான், அத பார்க்கும் போது என் நண்பன்,

" நாலு ஸ்டார் கொடுத்து இருக்காங்க Inception படத்துக்கும் இந்த வார்த்தைக்கும் ஒரே ரேட்டிங் உனக்கு மட்டும் தான் பிடிக்க மாட்டுது"என்பான் .

 இப்போ என் நண்பன் பத்தி சொல்லியே ஆகணும் அவன் இந்த வார்த்தையை ஒரு நாளைக்கு பலத் தடவ யூஸ் பண்ணிடுவான். இந்திய-பாகிஸ்தான் மேட்ச்ல இந்திய ஜெயித்துதுனா "f**k", அதுவே பாகிஸ்தான் ஜெயித்தாலும் "f**k", என்ன திட்டும் போது இந்த வார்த்தைய சொல்லித்தான் திட்டுவான். அவனோட படத்துக்குப் போன அவ்வளவுதான்.

"f**k….. என்ன மியூசிக் போட்டு இருக்கான்? போன படத்தலையும் இத தான் போட்டு இருந்தான்"               

"f**K …..தமிழ்ல இங்கிலீஷ் படம் எடுக்குறாங்க?அதுக்கு அந்த இங்கிலீஷ் படத்த தமிழுல டப் பண்ணி ரிலீஸ் பண்ணி இருக்கலாம்"   

"என்ன டயலாக் இது? காதல்னா பூ மாதிரி செடி மாதிரி எக்ஸாம் மாதிரி --- மாதிரி --- மாதிரி --- மாதிரி, f**K"

"மச்சான் காதல்னா என்னடா?"இது நான். 

"f**K"

கடவுள்னா என்னானு கேட்டாக் கூட இதே பதில் தான் சொல்லி இருப்பான்....      

படம் முடிஞ்சி வரும்போது எனக்கு இந்த டயலாக் மட்டும் தான் ஞாயபகம் இருக்கும்.

“f**K ,f**K , f**K , f**K ,f**K ,f**K”

          

என்றோ ஒரு நாள்...

"மச்சான் உனக்கு இந்த வார்த்தையை எப்படி யூஸ் பண்ணனும்னு தெரியல, வா இப்படி", ஏதோ சென்சார் செய்யபடாத சில ஆங்கில படங்களை சிடி இல் ஓட விட்டான், படங்களில் அந்த வார்த்தை மிக தெளிவாக காதில் விழுந்தது, இன்னும் சொல்லப் போனால் படத்தில் வரும் டயலாக் முழுவதும் அந்த வார்த்தையாகவே இருந்தது. என்ன படம்? என்று கேக்காதீர்கள் சரியாக ஞாயபகம் இல்லை, பெரும்பாலும் அமெரிக்கர்கள் படம் இப்படித்தான் இருக்கிறது, அந்த படத்தின் வசனகர்த்தா லெட்டர் பேட் முழுவதும் இப்படி தான் இருந்து இருக்கும்... 

f**K ,f**K , f**K , f**K ,f**K ,f**K …….         

 படம் முடிந்த பிறகு அந்த வார்த்தையை எங்கு யூஸ் பண்ணுவது? என்பதில் மிகவும் குழப்பமாக இருந்தது. அந்த படத்துல அப்பா, அம்மா, அக்கா, அண்ணன், பக்கத்துக்கு வீட்டு பையன், நாய், பூனை, எலி என அனைத்தும் இந்த வார்த்தையைக் கொண்டு ஒருவரை ஒருவர் திட்டிக் கொண்டிருந்தன.

ஷேர் ஆட்டோகாரன் தாறுமாறாக ஓட்டினால், பிச்சைக்காரன் பிச்சைக் கேட்டால், சாரு நிவேதிதாவின் ஜீரோ டிகிரி நாவலை யாராவது தப்பாக பேசினால், சர்தார்ஜி ஜோக் சொன்னால், நான் வைக்கும் சாம்பாரில் உப்பு அதிகமாக இருந்தால், தமிழைக் கிண்டல் செய்தால் (பின் குறிப்பு: தமிழ் என்பது அவனுடைய கேர்ள் பிரண்ட்), சந்தோசம் வந்தால் , ஜலதோஷம் வந்தால் சொல்லப்போனால் எப்போதுமே...

f**K ,f**K , f**K , f**K ,f**K ,f**K

சில சமயம் இவன் தான் இந்த வார்த்தையை கண்டு பிடித்து இருப்பானோ? என சந்தேகம் வரும். 

இன்று.....  

"டேய்! இந்த வார்த்தையோட அர்த்ததுக்கும் அது யூஸ் பண்ற இடத்துக்கும் சம்பந்தமே இல்லையே?" நான்.

"சில வார்த்தைகளின் அர்த்தத்தை ஆராயக்கூடாது அப்படியே விட்டுடுனும் சுருக்கமா சொல்லனும்னா ஆராயக்கூடாது அனுபவிக்கணும், நான் இத ஒரு ஸ்டைலுகாக தான் யூஸ் பண்றேன், அதெல்லாம் சொன்ன புரியாது அனுபவத்துல வரணும். நீ ஒன்னு பண்ணு இன்னிக்கு இந்த வார்த்தைய யூஸ் பண்ணு அப்பறம் உனக்கே புரியும்” என் நண்பன் . 

"இத எப்ப யூஸ் பண்றது?"

"ம்..சந்தோசம், துக்கம், அழுகை, வெயில், சிரிப்பு,  மழை, உன் காதலி இல்ல நண்பன் காதலிய இன்னொருதவனோடு பார்க்கும் போது, பிடிச்ச அல்லது பிடிக்காத படம் பார்க்கும்போது, இப்படி எதாவுது ஒரு சந்தர்பத்துல யூஸ் பண்ணு" இந்த வார்த்தைக்கு இவ்வளவு பெரிய ஒரு விளக்கம் தேவையற்றது.

"சரி இன்னிக்கு நான் ட்ரை பண்றேன்".

 "கங்கராட்ஸ்டா " சொல்லி பரிட்சைக்கு அனுப்புவது போல அனுப்பி வைத்தான்.

"பிடிக்காத வார்த்தையாக இருந்தாலும், இந்த வார்த்தையை ஒரு முறையாவது திட்டுவதற்கு யூஸ் பண்ணியாகவேண்டும்" எனக்குள் சொல்லிக் கொண்டே கிளம்பினேன். 

என் நேரம் இன்று எந்த ஆட்டோகாரனும் வேகமா வண்டி ஓட்டுல, தண்ணி லாரி எதிர்க்க வரல, ட்ராபிக் சிக்னல் கூட பச்சையாக இருந்தது.

ஹோட்டலில் ஆர்டர் செய்தவுடன் தோசை வந்தது, தியேட்டர்ல கூட்டம் இல்ல டிக்கெட் ஈஸியா கிடச்சிது, நான் பார்த்த தமிழ் படம் வேற நல்லா இருந்தது. 

கோவிலில் ஒரு பிச்சைக்காரன் கூட இல்லை, கூட்டம் இல்லை ,இன்று கடவுள் கூட தட்சனை கேக்கவில்லை.  

இந்திய--ஆஸ்திரேலியா மேட்ச் ஆரம்பித்தது, இந்திய ஜெயித்தாலும் தோற்றாலும் ஆஸ்திரேலியாவை திட்ட வேண்டும் என முடிவு செய்தேன். என் நேரம் பாருங்க மழை காரணமாக மேட்ச் நிறுத்தபட்டது. ம்…மழையை திட்ட மனம் இல்லை

"மச்சான் என்னடா? என்ன ஆச்சி?" நண்பன். 

"இல்லடா இன்னிக்கு திட்டுறதுக்கு நேரம் வரல, சரி நாளைக்கு ட்ரை பண்றேன்"

"f**k மேன்…. உனக்கு சொல்றதலாம் வேஸ்ட். இந்த வார்த்தைய சொல்லறதுக்கு நேரம் காலம் பார்த்துட்டா இருப்பான்? போடா.... ங்கொ**… "

"சே! இந்த தடவ தமிழாக்கம் பண்ணி திட்டிடான். இதல்லாம் ஒரு பிரச்சனைன்னு இவன்ட பேசி திட்டு வாங்கிட்டு இருக்கனே?" எனக்குளே சொல்லிக் கொண்டு என்னை நானே திட்டிக் கொண்டேன் "f**K".

துணுக்கு: இது வரை இந்தக் கதையில் “f**k” என்ற வார்த்தை 27 முறை உபயோகப்படுத்தி உள்ளது.  

“இதெல்லாம் ஒரு துணுக்கா?/கதையா?,  "f**k” நீங்கள் சொல்வது என் காதில் விழுகிறது.